Մարտի 4-ին Հայաստանի Հանրապետության ներքին գործերի նախարար Արփինե Սարգսյանն ընդունել է Իտալիայի դեսպան Ալեսսանդրո Ֆերրանտիին։
Հանդիպման ընթացքում ընդգծվել է իրավապահ ոլորտում երկկողմ համագործակցության հետագա խորացման կարևորությունը, քննարկվել են երկու երկրների միջև համագործակցության նոր հնարավորություններին առնչվող հարցեր՝ հատուկ ուշադրություն հատկացնելով կադրերի պատրաստման, հանցագործությունների կանխարգելման և մուտքի արտոնագրերի ազատականացման ոլորտներին։
Կողմերը նաև պատրաստակամություն են հայտնել առավել ամրապնդել երկկողմ համագործակցությունը փորձի փոխանակման և մի շարք հնարավոր համատեղ նախագծերի միջոցով։
