Իտալիայի Քաղացիական պաշտպանության դեպարտամենտի բժիշկների խմբին Հայաստան տեղափոխելու նպատակով այսօր Երևանում հատուկ չվերթով վայրէջք է կատարել Իտալիայի Ֆինանսական գվարդիայի ինքնաթիռը։ Խումբը ժամանել է երեք շաբաթ տևողությամբ մարդասիրական առաքելությամբ, որի ընթացքում այն աջակցություն է ցուցաբերելու տեղական հիվանդանոցներին` COVID-19 համավարակի դեմ պայքարում:
Իտալիան հպարտ է, որ կարիքի ժամանակ կարողանում է օգնել բարեկամ հայ ժողովրդին:
Առաքելությունն իրականացվելու է Առողջապահության համաշխարհային կազմակերպության ծավալած և Հայաստանում Իտալիայի դեսպանության հետ սերտ համագործակցությամբ կազմակերպված գործունեության համաձայն։
