Մուտքի արտոնագրի համար վճարվող գումարը կախված է «Եռամսյակային հյուպատոսական փոխարժեքից» և փոփոխվում է յուրաքանչյուր եռամսյակի սկզբում (հունվարի 1, ապրիլի 1, հուլիսի 1, հոկտեմբերի 1)։
Ազգային մուտքի արտոնագրեր (D տեսակի)․
Ազգային մուտքի արտոնագրի (D տեսակի, 90 օրից ավել ժամկետով) պետական տուրքը կազմում է 116 եվրո, որը պետք է վճարվի տեղական արժույթով՝ դիմումը ներկայացնելու պահին։
Ուսման նպատակով ազգային վիզայի (D տեսակի, 90 օրից ավել ժամկետով) պետական տուրքը կազմում է 50 եվրո։
Շենգենյան մուտքի արտոնագրեր (C տեսակի)․
Կարճաժամկետ կացության մուտքի արտոնագրի (C տեսակի, մինչև 90 օր) արժեքը Հայաստանի Հանրապետության քաղաքացիների, ինչպես նաև Ալբանիայի*, Ադրբեջանի, Բելառուսի, Բոսնիա և Հերցեգովինայի*, Հյուսիսային Մակեդոնիայի* (FYROM), Վրաստանի*, Մոլդովայի*, Չեռնոգորիայի*, Սերբիայի* և Ուկրաինայի* քաղաքացիների համար կազմում է 35 եվրո՝ պայմանով, որ վերջիններս կարող են ապացուցել Հայաստանի Հանրապետությունում իրենց օրինական բնակությունը։
*Շենգենյան մուտքի արտոնագրի պահանջից ազատվում են միայն կենսաչափական կամ ICAO-ի չափանիշներին համապատասխան տրված անձնագրերի (Կանոնակարգ 1806/2018) սեփականատերերը։
0–12 տարեկան երեխաների համար մուտքի արտոնագիրն անվճար է։ Մուտքի արտոնագրի դիմումների մշակման վճարից ազատված մյուս կատեգորիաների վերաբերյալ տեղեկությունները ներկայացված են Եվրոպական միության և Հայաստանի Հանրապետության միջև վիզաների տրամադրումը դյուրացնելու մասին համաձայնագրի 6-րդ հոդվածի 2-րդ կետում։
Իրավասու հյուպատոսական շրջանի տարածքում օրինական բնակություն ունեցող մյուս քաղաքացիների համար C տեսակի մուտքի արտոնագրի ստանդարտ վճարը կազմում է՝
90 եվրո՝ մեծահասակների համար,
45 եվրո՝ 6–12 տարեկան անչափահասների համար։
Ուսման նպատակով C տեսակի մուտքի արտոնագիրն անվճար է։
ԵՄ քաղաքացիների ընտանիքի անդամների համար C տեսակի մուտքի արտոնագիրը տրամադրվում է անվճար (Օրենսդրական հրամանագիր №30/2007, հոդված 5)։
2004/38/ԵՀ հրահանգի համաձայն, ընտանիքի անդամ են համարվում՝
- ամուսինը/կինը,
- զուգընկերը, որը գրանցված միություն է կնքել ԵՄ քաղաքացու հետ՝ անդամ պետության օրենսդրության հիման վրա (եթե ընդունող պետության օրենսդրությունը գրանցված միությունը հավասարեցնում է ամուսնությանը),
- մինչև 21 տարեկան կամ խնամքի տակ գտնվող անմիջական ժառանգները, ինչպես նաև վերը նշված ամուսնու/կնոջ կամ զուգընկերոջ ժառանգները,
- խնամքի տակ գտնվող անմիջական վերել գծով ազգականները, ինչպես նաև վերը նշված ամուսնու/կնոջ կամ զուգընկերոջ անմիջական վերել գծով ազգականները։
Վճարման կարգ․ մուտքի արտոնագրի պետական տուրքը պետք է վճարվի տեղական արժույթով (ՀՀ դրամ)՝ մուտքի արտոնագրի դիմումը TLS ընկերությունում հանձնելու պահին։
Մուտքի արտոնագրերի սակագների աղյուսակի հղում
Վճարված գումարի վերադարձի դեպքեր․ վճարված հյուպատոսական վճարի վերադարձը կատարվում է բացառապես այն դեպքում, երբ դիմումը ճանաչվում է անընդունելի, ներկայացվում է սահմանված ժամկետից ուշ, կամ բացակայում է պարտադիր փաստաթղթերի նվազագույն փաթեթը, մասնավորապես՝ լրացված և ստորագրված դիմումի ձև, վավեր ճանապարհորդական փաստաթուղթ (անձնագիր), որը տրված է ոչ ավելի, քան 10 տարի առաջ, ունի առնվազն 2 դատարկ էջ և վավեր է Իտալիայից նախատեսվող ելքի ամսաթվից հետո առնվազն 3 ամիս, վերջին շրջանում արված լուսանկար, դիմողի մատնահետքերի գրանցում, հյուպատոսական վճարի վճարման անդորրագիր, համապատասխան բժշկական ճանապարհորդական ապահովագրություն (Շենգենյան գոտում կացության համար)։