Questo sito usa cookie per fornirti un'esperienza migliore. Proseguendo la navigazione accetti l'utilizzo dei cookie da parte nostra OK

Մուտքի արտոնագրեր

 

Մուտքի արտոնագրեր

Տեղեկացնում ենք, որ Իտալիայի իշխանությունների որոշմամբ վերսկսվում է շենգենյան վիզաների տրամադրումը (06.08.2021)։

Վիզաների դիմումները հյուպատոսական մարմիններին պետք է ներկայացվեն նախատեսվող մեկնումից առնվազն 15 օր առաջ և ուղևորության մեկնարկից ոչ շուտ, քան վեց ամիս առաջ։

Դիմումները պետք է ներկայացվեն TLS վիզաների կենտրոնի միջոցով՝ Վարդանանց փողոց 4/50 հասցեով, հեռ. 055 909 449 ։

Ազգային տարածք մուտք գործող օտարերկրյա քաղաքացիներին անհրաժեշտ է.

• Լրացնել տեղորոշման առցանց ձևը (որը կոչվում է նաև թվային Passenger Locator Form (dPLF) և բջջային սարքի վրա կամ տպված տարբերակով նստեցման պահին ներկայացնել այն օպերատորին կամ ստուգումներ իրականացնող ցանկացած անձի:

• Ստուգումներ իրականացնելու իրավասություն ունեցող ցանկացած անձի ներկայացնել Իտալիա մուտք գործելուց առավելագույնը 72 ժամ առաջ կատարված PCR կամ հակագենի թեստի բացասական արդյունքը հաստատող վկայական:

• Անցնել 5-օրյա ինքնակամ մեկուսացում dPLF- ում նշված հասցեով:

• 5-օրյա մեկուսացման ավարտին հանձնել հավելյալ PCR կամ հակագենի թեստ:

• Ինքնակամ մեկուսացման պահանջը չի տարածվում այն անձանց վրա, որոնք Իտալիա են մուտք գործում առավելագույնը 120 ժամով՝ աշխատանքային և առողջական հաստատված պատճառներով կամ փաստարկված անհետաձգելի անհրաժեշտության դեպքում:

------------------------------------------------------------------------------------

 

Հայաստանում Covid 19 առկայության պատճառով Դեսպանությունը շարունակում է փակ լինել հանրության համար:

Շենգենյան վիզա ունեցող անձինք ավտոմատ կերպով շենգենյան գոտի մուտք գործելու իրավունք ձեռք չեն բերում և պետք է հետևեն ճանապարհորդության գործող սահմանափակումներին: Ազգային տարածք մուտքը թույլատրելու որոշումը կայացնում են սահմանային մարմինները, որոնք կարող են պահանջել ուղևորության նպատակների և թույլատրելի կատեգորիա լինելու ապացույցներ հանդիսացող փաստաթղթեր, ինչպես նաև կարող են մերժել օտարերկրյա քաղաքացիների մուտքը ազգային տարածք:

Վիզաների վերաբերյալ տեղեկատվության համար գրել visti.jerevan@esteri.it էլ․ փոստին

Ազգային վիզայի դիմումները պետք է ներկայացվեն բացառապես TLS ընկերության միջոցով։

 

Արդարադատության նախարարության կողմից հավատարմագրված թարգմանիչ

Քրիստինե Նարինյան (իտալերեն և ֆրանսերեն լեզուներ)

Հեռ +374 77 473838 կամ +374 91 473838

Էլ․ փոստ՝ narinyankrist@yahoo.com

 

Տեղեկացնում ենք, որ հյուպատոսական վճարները որևէ պարագայում չեն վերադարձվում:

 

ՎԻԶԱ ԵՆԹԱԿԱ ԱՇԽԱՏԱՆՔԻ ՀԱՄԱՐ

Անհրաժեշտ փաստաթղթերն են.

1. դիմումի ձև

2. 1 թարմ լուսանկար

3. անձնագիր և դրա պատճենը

4. ավիատոմսի ամրագրում (մեկ ուղղությամբ)

5. Իտալիայում գործող Միգրացիոն գրասենյակի (Պրեֆեկտուրայի) կողմից Իտալիայում գտնվող գործատուին տրամադրած թույտվության (NULLA OSTA) պատճենը։

ԸՆՏԱՆԵԿԱՆ ՊԱՏՃԱՌՆԵՐ

Անհրաժեշտ փաստաթղթերն են.

1. դիմումի ձև

2. 1 թարմ լուսանկար

3. անձնագիր և դրա պատճենը

4. ավիատոմսի ամրագրում (մեկ ուղղությամբ)

5. Իտալիայում գործող Միգրացիոն գրասենյակի (Sportello Unico Immigrazione) կողմից տրամադրած թույտվության (NULLA OSTA) պատճենը։

6. Ընտանիքի անդամի կարգավիճակն ապացուցող փաստաթղթեր՝ ծննդյան վկայական և (կամ) ամուսնության վկայական: Դրանց պատճենները պետք է հաստատվեն ապոստիլով և թարգմանվեն իտալերեն լեզվով Արդարադատության նախարարության կողմից հավատարմագրված թարգմանչի կողմից: Թարգմանությունը նույնպես պետք է պատշաճ կերպով հաստատվի ապոստիլով:

* Իտալիայի կամ ԵՄ քաղաքացիների ընտանիքի անդամների համար Nulla Osta անհրաժեշտ չէ: Դրա փոխարեն ներկայացվում է Իտալիայում բնակվող ընտանիքի անդամի լրացրած և ստորագրած հրավերը / բնակության տրամադրման հայտարարագիրը, որը կուղեկցվի հրավիրողի անձնագրի պատճենով: Ազգակցական կապը հաստատելու համար անհրաժեշտ է ներկայացնել ծննդյան կամ ամուսնության վկայականի բնօրինակը: Այն պետք է հաստատվի ապոստիլով և թարգմանվի իտալերեն լեզվով: Թարգմանությունը ևս պետք է հաստատվի ապոստիլով:

ՎԻԶԱ ԶՈՒՅԳԵՐԻ ՀԱՄԱՐ (տեսակը՝ այցելություն ընտանիքին / ընկերներին)

Նշանված զույգերի համար մուտքի արտոնագիր տրամադրելու պահանջների և պայմանների ցանկը, ինչպես նաև Իտալիայում և շենգենյան գոտում ներգաղթի օրենսդրության վերաբերյալ տեղեկությունները հասանելի են Արտաքին գործերի և միջազգային համագործակցության նախարարության կայքում (vistoperitalia.esteri.it) և TLS վիզաների կենտրոնի կայքում (https://it.tlscontact.com/am/EVN/index.php?l=hy), ինչպես նաև TLS իտալական վիզաների կենտրոնի ծանուցման տախտակներում և տեղեկատվական թերթիկներում։

Այս տեսակի մուտքի արտոնագիր ստանալիս, բացի հիմնական փաստաթղթերից, պետք է ներկայացվի նաև հրավիրողի կողմից պարտավորության ստանձնման հատուկ հայտարարագիր (dichiarazione di responsabilità sulla durata e stabilità della relazione affettiva)՝ զույգի միջև առկա հարաբերությունների տևողության և կայունության վերաբերյալ, որը կուղեկցվի հրավիրողի անձը հաստատող փաստաթղթի պատճենով: Հայտարարագրի համար սեղմել այստեղ

ՎԵՐԱԴԱՐՁ

Վերադարձի վիզան տրվում է ԵՄ քաղաքացի չհանդիսացող այն անձանց, որոնք արդեն ունեցել են Իտալիայում կացության թույլտվություն: Նախատեսված է դիմել հետևյալ դեպքերում՝ երբ կացության թույլտվության ժամկետն ավարտվել է կամ երբ այն կորսվել / գողացվել է:

Անհրաժեշտ փաստաթղթերն են.

1. դիմումի ձև

2.1 թարմ լուսանկար

3. անձնագիր և դրա պատճենը

4. ավիատոմսի ամրագրում (մեկ ուղղությամբ)

5. ժամկետն ավարտված կացության թույլտվության պատճենը

6. Իտալիայից դուրս գալիս Իտալիայի ոստիկանության կողմից պատշաճ կերպով կնքված կացության թույլտվության երկարացման դիմումի ստացականի պատճենը (ricevuta)

7. եթե կացության թույլտվությունը կորել կամ գողացվել է, պետք է ներկայացվի տեղի պատկան մարմիններին ներկայացված դիմումը։

ՈՒՍՈՒՄ հավելյալ տեղեկությունների համար այցելել այս էջը

Ուշադրություն. Դեսպանությունն իրավունք է վերապահում անհրաժեշտության դեպքում նշվածներից բացի պահանջել այլ, լրացուցիչ փաստաթղթեր։

ՏԵՂԵԿՈՒԹՅՈՒՆՆԵՐ (ընթացակարգեր)

ՈՒՆԵ՞Ք ԱՐԴՅՈՔ ՎԻԶԱՅԻ ԿԱՐԻՔ

Երևանում Իտալիայի Դեսպանությունից մուտքի արտոնագիր ստանալու համար Հայաստանի և այնտեղ օրինական բնակվող օտարերկրյա քաղաքացիները կարող են օգտվել մուտքի արտոնագրի դիմումներ ստանալու համար լիազորված TLScontact մասնավոր ընկերության կողմից տրամադրվող աութսորսինգի ծառայությունից։

Բոլոր դեպքերում, վիզայի դիմումի գնահատումը և դրա վերաբերյալ կայացվող որոշումը բացառապես Դեսպանության իրավասության ներքո է:

Վիզայի դիմումները (թե շենգենյան և թե ազգային) ներկայացվում են TLS ընկերության միջոցով՝ զանգահարելով +374 55 909 449

• Երկուշաբթիից ուրբաթ օրերին, ժամը 12:00-ից 15:00

Հայտատուն պետք է վճարի 20 եվրոյին համարժեք լրացուցիչ գումար՝ TLS ընկերության կողմից մատուցվող ծառայության դիմաց՝ տեղում, կանխիկ և տեղական արժույթով (հայկական դրամ):

TLScontact ծառայության և ներկայացվելիք փաստաթղթերի մասին լրացուցիչ տեղեկությունների համար՝ այցելել հttps://it.tlscontact.com/am/evn/login.php

Կարճաժամկետ և երկարաժամկետ վիզաների տրամադրման վերաբերյալ ընդհանուր տեղեկություններ.

1. Հայաստանում Իտալիայի Դեսպանությունը իրավասու է Իտալիայի և Մալթայի կարճաժամկետ մուտքի վիզաների (C տիպի), ինչպես նաև միայն Իտալիայի համար երկարաժամկետ (D տիպի) վիզաների տրամադրման համար:

2. Շենգենյան վիզայի դիմումը կարող է ներկայացվել մեկնելու օրվանից վեց ամիս շուտ և այն սովորաբար քննվում է տաս օրացուցային օրվա ընթացքում:

3. Հայաստանի քաղաքացիների համար Իտալիայի և Մալթայի կարճաժամկետ մուտքի արտոնագրի ուսումնասիրման արժեքը 35 եվրո է (18․600 դրամ), որը վճարվում է կանխիկ և տեղական արժույթով (հայկական դրամ)՝ TLS ընկերությունում դիմումը ներկայացնելու պահին (պետք է հաշվի առնել 20 եվրոյին համարժեք հավելավճարի առկայությունը):

4. Մուտքի ազգային արտոնագրեր տրամադրելու հայտերը (Visa D, ավելի քան 90 օր) ներկայացվում են TLS- ում: Ազգային վիզայի արժեքը 116 եվրո է' համարժեք 61․600 դրամին։

5. Ստացված գումարը հետ չի վերադարձվում՝ անկախ դիմումի ուսումնասիրման արդյունքից: Այս գումարը նախատեսված է ոչ թե վիզայի տրամադրման, այլ գործի ուսումնասիրման համար:

6. Շտապ կագով մուտքի վիզա ստանալու սակագներ գոյություն չունեն։

7. Վիզա ունենալը դեռևս չի երաշխավորում օտարերկրյա քաղաքացու մուտքը Իտալիայի տարածք, քանի որ սահմանային իշխանությունները իրավասու են ստուգել մուտքի պայմաններին համապատասխանությունը: Ուստի անհրաժեշտ է, որպեսզի մեկնողներն իրենց մոտ ունենան վիզայի դիմումի համար ներկայացված փաստաթղթերի պատճենները:

Հայտնում ենք ձեզ, որ Քրեական օրենսգրքի 331-րդ հոդվածի համաձայն՝ կեղծ փաստաթղթեր ներկայացնելու դեպքում հայց է ներկայացվում Իտալիայի դատական ​​մարմնին:

Տեղեկատվություն անձնական տվյալների պաշտպանության մասին

Վիզաների սակագներ

Թղթաբանություն


36